ತಿರುವನಂತಪುರದಲ್ಲಿ 1ಕೋಟಿ 20 ಲಕ್ಷ ರೂಪಾಯಿ ವೆಚ್ಚದ ಶ್ರೀ ನಾರಾಯಣ ಗುರು ಬೃಹತ್ ಮೂರ್ತಿ ಪ್ರತಿಷ್ಠೆ
ಕೇರಳ ರಾಜ್ಯದ ತಿರುವನಂತಪುರ ದಲ್ಲಿ ಶ್ರೀ ನಾರಾಯಣ ಗುರು ದೇವರ ಮಹಾಸಮಾಧಿ ದಿನ ಸೆಪ್ಟೆಂಬರ್21, ಗುರುದೇವರ 8 ಅಡಿಯ ಪ್ರತಿಮೆ ಯನ್ನು ಕೇರಳ ರಾಜ್ಯದ ಮುಖ್ಯ ಮಂತ್ರಿ ಪಿಣರಾಯಿ ವಿಜಯನ್ ಅನಾವರಣ ಗೊಳಿಸಿದರು.
ಈ ಪ್ರತಿಮೆಯನ್ನು ಜಾತಿ ಭೇಧ, ಮತದ್ವೇಷ ಇಲ್ಲದ ಮಾನವೀಯ ಸಮಾಜಕ್ಕಾಗಿ ಗುರುದೇವರ ಒಂದೇ ಜಾತಿ, ಒಂದೇ ಧರ್ಮ, ಒಂದೇ ದೇವರು ಘೋಷಣೆಯ 100 ನೇ ವರ್ಷಾಚರಣೆ ಯನ್ನು ಗುರುತಿಸಲು ನಿರ್ಮಿಸಿದೆ. 1ಕೋಟಿ 20 ಲಕ್ಷ ರೂಪಾಯಿ ವೆಚ್ಚದ ಈ ಪ್ರತಿಮೆಯನ್ನು ಕೇರಳದ ಹೆಸರಾಂತ ಯುವ ಶಿಲ್ಪಿ ಉನ್ನಿ ಕನೈ ವಿನ್ಯಾಸಗೊಳಿಸಿದ್ದಾರೆ.
ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಪ್ರತಿಮೆಯನ್ನು ಅನಾವರಣಗೊಳಿಸಿದ್ದಾರೆ. ಚೆಂಪಜಾಂತಿ ಗುರುಕುಲಂನ ಸ್ವಾಮಿ ಶುಭಂಗಾನಂದ ಆಶೀರ್ವಚನ ಮಾಡಿದ್ದು ಸಂಸದರಾದ ಡಾ. ಶಶಿತರೂರ್ ಉಪಸ್ಥಿತರಿದ್ದರು. ರಾಜ್ಯ ಕಾನೂನು, ಸಂಸ್ಕೃತಿ ಮತ್ತು ಎಸ್ ಸಿ -ಎಸ್ ಟಿ ವ್ಯವಹಾರ ಗಳ ಸಚಿವರಾದ ಎ. ಕೆ. ಬಾಲನ್ ವಹಿಸಲಿದ್ದಾರೆ.
ಬ್ರಹರ್ಷಿ ಭಗವಾನ್ ಶ್ರೀ ನಾರಾಯಣ ಗುರುದೇವರ ಮಹಾಸಮಾಧಿ ದಿನ ಕೇರಳ ದಲ್ಲಿ ಸಾರ್ವತ್ರಿಕವಾಗಿ ರಜಾದಿನವಾಗಿದೆ. ವಿಶ್ವಾದ್ಯಂತ ಇರುವ ಗುರುದೇವರ ಅನುಯಾಯಿಗಳು ಮಹಾಸಮಾಧಿ ದಿನ ಸಾತ್ವಿಕ ಆಹಾರ ಸೇವನೆ ಮಾಡಿ ಪರಂಬ್ರಹ್ಮ ಸ್ವರೂಪಿಯಾಗಿರುವ ಗುರುದೇವರ ಪೂಜೆ ಪ್ರಾರ್ಥನೆ ಯಲ್ಲಿ ತೊಡಗಿಕೊಳ್ಳುತ್ತಾರೆ.
